لا دنيا ولا زمن

قالوا تخير لك صديقٍ يماشيك
ينشد عن علومك ويهتف بطاريك
قلت الصداقه يا جماعه محبه
في عسرك ويسرك صديقك يخاويك
لا جيت وقت الضيم ينسر حالك
لو انت باقسى حال بالنفس يفديك
وقت الشدايد ما تدوّر وتشكي
هو من يدور لك وبالحل ينجيك
وين الصديق اللي خصاله تسرّك
وين الصديق اللي علومه تسلّيك
كل البشر يشكون هذا زمنا
دنيا تفرقنا عن البعض تفكيك
لا هيب دنيانا ولا هو زمنا
حنّا البلا منا هل النظم والحيك
من يمتلك اموال يسوى ثمنها
ويشوف كل الناس عنده مماليك
لا بد مالدنيا تذكّر وندري
إن الزمن دوار والخير ينجيك